كتب: محمد بو غلاب
ما نحبش نكتب علي اللي نحبهم بعد ما نفارقهم، عودت روحي نقول للي نحبهم راني نحبكم، مانيش لاقي كلام نقولو على سي المولدي، كلمت البارح سي سليم بوهلال مدير مصحة التوفيق قتلو راهو خويا بربي ردو بالكم عليه، وطلبت منو يمكني نطل عليه اليوم،
ما خلطتش نمشيلو، الموت سبقتني،
جمعتنا الخدمة في إذاعة الشباب قبل اكثر من 20عام، وولات صحبة، حضر افراحنا واحزانا، كواحد م العيلة،
كنا على تواصل مستمر، نبعثلو” ما يفلت شي” يكتبلي ملاحظاتو، نطلبو او يكلمني هو وتوفى ذيما بضحكة
وقفت ع الخدمة وماعادش نبعثلو
اخر مرة حكينا كانت نهار 30ديسمبر 2023
كي سمعت بيه تعب بعثتلو ميساج ما جاوبش عليه،
الحزن الي في داخلي ما لقاش دموع كافية تعبر عليه،
موتك وجيعة كبيرة سي المولدي، انت تعرف قداش نحبك
الله يرحمك يا طيب
وداعا المولدي الهمامي
