أبدى المختصّ في علم الاجتماعي التونسي معاذ بن نصير، رأيا مختلفا في شأن الخبر الذي كان حديث رواد مواقع التواصل الاجتماعي خلال الأيام الأخيرة والمتعلّق بطلاق التونسية ضحى العريبي من زوجها مكس الأردني…
وثمّن بن نصير مجلة الأحوال الشخصية التي اهتمت بحقوق المرأة في تونس، حيث نشر تدوينة على حسابه في فيسبوك ليقول:
“باش نعلّق على طلاق ضحى ومكس:
ما انجم نقول كان هنيئا لنا بمجلة الأحوال الشخصية إلي موجودة في تونس من عام 1956 ، ما انجم نكون الا فخور بإني تونسي ونعيش في تونس…
كي نغزر إيمين وإيسار ونشوف دول الجوار ودول المشرق العربي كيفاه يتعاملو مع المرأة ونغزر لتونس … نعاود نقول الحمد الله…
كي نشوف ترسانة القوانين الي عندنا وإلي تحمي العائلة والزوجة والزوج والاطفال … ما انجم كان نعاود نقول الحمد الله…
تخيّل في 2023 وثمة دول نلقاو المرى فيها ما عندها حتى حق من الحقوق الانسانية…
إلي صار على ضحى كان ينجم يصير على أي مرى تونسية أخرى … أختك ، بنت خالك ، بنت عمّك … دونك مش وقت شماتة بقدر ماهو وقت حكم وعبر…
حسن الإختيار ثم الإختيار ثم الإختيار ، الشخص لازم يعرف وين يحط ساقيه…
وهالعلاقات الافتراضية عمرها قصير عاللخر ومآلها الإندثار …”
