نشر الوزير السابق والناشط السياسي حاتم العشي اليوم الثلاثاء 14 نوفمبر 2023 تدوينة على حسابه في فيسبوك، كشف من خلالها عن وجود رئيس حزب ـ اعتبره ضعيف شعبيا ـ اشترى بعد الثورة سيارات فاخرة جدا مصادرة من عائلة الرئيس الراحل بن علي بمبلغ صادم وضئيل جدا مقارنة بحقيقة قيمة هذه السيارات..
وهذا نص تدوينة حاتم العشي:
7 سيارات من أقوى ما تملك عائلة بن علي اقل كرهبة تسوا وقتها 250 ألف دينار سنة 2011، ثمه خبير سنة 2012 بعد ما شلطو الجلد متاع الكراهب وبعد ما شلطو الكروسة قام بتقويم الكراهب بمبلغ صادم. للأسف رئيس حزب ضعيف شعبيا شرا الكراهب السبعة بـ 135 الف دينار وقت اللي هي تسوا اكثر من مليار ونصف.
2015 كلمت، حكيت في وسائل الاعلام وحكيت حتى منذ أسابيع ولا حياة لمن تنادي… اليوم سمعت بحكاية إيقاف الشاري ما نعرفش على الموضوع هذا او مواضيع أخرى. نشالله تثبت براءته لأنه من حق المشتري الربح ولكن بدون تواطئ واستغلال نفوذ الثورة.
