والله شيء ‘يعمل الكيف’ ..برشة جمعيات في تونس تستحق التكريم..وتستحق كل خير…….
والي نقصدهم بالخير ها الجمعيات متع الامراض السرطانية..وانتو تعرفو المرض هذايا قداش يتطلب برشة احاطة وبرشة عناية وبرشة فلوس….
.وواحدة من هؤلاء الجمعية التونسية لمرضي السرطان…
جمعية تخدم وعندها برنامج خيري تطوعي..وقافلة صحية فيها اكثر من 15 طبيب..في خدمة المواطن ها الجمعية التي تدور في كامل الجمهورية..وكل خدماتها مجانية في كشف المرض..والصور..واخذ العينات..وكذلك تنظيم الايام التحسيسية..ضد التدخين واضرارو…
ها النهارين استقبلت معتمدية اجيم ها القافلة..ونجحت أيما نجاح في ها الخدمة التي استفاد منها المواطنون..
فكل التحية والتقدير لهذه الجمعية والمشرفين عليها بداية من المؤسس المرحوم
حسونة بن عياد. وسي فرحات بن عياد..وسي منصف بن جمعة..والاخت نايلة بن جمعة الحريصة جدا لمثل هذه الاعمال الجمعياتية وانجاحها…
وها الجمعيات هذه الي تقوم باعمال تطوعية خيرية..ويستفادو منها الناس مجانا….
كذلك الجمعية تحيط بالمرضي في العاصمة وتقوم بتوفير السكن للمرضي المصابين والمحتاجين….
وبالتالي جمعيات كيف ما هذه تسحق منا كدولة ومؤسسات مدنية الدعم وخاصة الدعم المادي…برافو سي فرحات وكل افراد اسرة ها الجمعية والى الامام…..
المنجي بن سليمان
