نشر أنيس الجزيري رئيس مجلس الأعمال التونسي الإفريقي تدوينة على حسابه في فيسبوك، معبّرة جدا عن الوضع ‘المضحك ـ المبكي’ الذي تعيشه تونس…
وتساءل الجزيري عن شعب ‘مصدوم’ من الإعانات الليبية لكي يأكل…ولم تصدمه القروض الخارجية الضخمة التي يتلقاها منذ 2011 إلى حد اليوم لكي يأكل دون أن ينتج أو يعمل…ولم تصدمه إدارة مهمتها الأولى قتل روح المبادرة وتعطيل الناس…ولم تصدمه عقلية ‘المسمار في حيط’ و’رزق البيليك’ وضرب رأسمال الخاص بكل الوسائل والطرق…
شعب لا يعمل ولا ينتج ويساند الإضرابات ويريد الزيادات…وينتظر ‘المنقذ’ الوحيد الأوحد ليخلصه من معاناته!!
وهذا نص التدوينة:
‘عجبي من شعب مصدوم من مساعدات دولة شقيقة بش يأكل…
عجبي من شعب مهوش مصدوم من انه يأكل منذ سنوات من القروض الخارجية…
عجبي من شعب مهوش مصدوم من ميزانية خيالية متع 70 مليار دينار مصاريف و مداخيله 40 مليار دينار …
عجبي من شعب يقبل بمديونية متع هبال ب 25 مليار دينار لسنة 2023 بش يعيش و يربي الريش …
عجبي من شعب غير مصدوم و يتفرج في ثروة الفسفاط امامه و يقبل بأن تتعطل آلة الانتاج لاكثر من عشرة سنوات و خسائر بآلاف المليارات …
عجبي من إدارة غير مصدومة من حجم البيرقراطية و تعطيل الناس و قتل روح المبادرة …
عجبي من شعب غير مصدوم و هو يرى خيرة ابناءه و شبابه يغادرون البلاد و يطلقون مشاريعهم خارج الوطن، هروبا من إدارة متكلسة و قوانين بالية …
عجبي من شعب غير مصدوم من حجم الفساد في كل مكان و زمان …
عجبي من شعب في اغلبه لا يعمل و يساند الاضرابات و في نفس الوقت يطالب بالزيادات و زيد عقلية رزق البيليك و مسمار في حيط …
عجبي من نخبة تتفرج في وطن يتهاوى و كل واحد مازال شادد في الحانوت متاعو و في نفس رموز الفشل و في زعامتية و أنانية مفرطة وفي المنقذ الواحد الأحد …
عجبي في شعب غير مصدوم من انا كادوريم و صافي سعيد و غيرهم من الشعبويين يتصدرون نتائج سبر الآراء و من لديهم الحلول لإنقاذ الوطن مهمشين …
عجبي من شعب يتصدر حثالة المجتمع المشهد الاعلامي و تقصى و تهمش نساء و رجال العلم و الثقافة …
و أخيرا عجبي في شعب مازال نائم و لم يفهم بعد أن سبيل الخلاص هو العمل ثم العمل ثم العمل و المثابرة و التضحية و أنا الخلاص لا يكون إلا جماعي … ‘
