على إثر مقترح المجلس الجهوي بصفاقس هذا الأسبوع تقسيم الولاية إلى ولايتين، نشر عضو مجلس نوّاب الشّعب عن معتمدية عقارب من ولاية صفاقس شكري البحري، تدوينة عبّر من خلالها عن معارضته الشّديدة لهذا المقترح اعتبارا لأنّه لا يخدم مصلحة الجهة ولا يفيد أهاليها.
في ما يلي نصّ التّدوينة:
“صفاقس ما تستحقش ولاية جديدة…
صفاقس مقسّمة بطبيعتها… واليوم، أكثر من أي وقت، مستحقين انو صفاقس تكون واحدة موحّدة.
صفاقس مقسّمة بطبيعتها… والأهم اليوم يزي من صفاقس الصفاقسية وصفاقس اللي ما همش صفاقسية… صفاقس الكل للكل، لكل الصفاقسية و الصفاڨسية.
صفاقس مقسّمة بطبيعتها… واليوم، جاء الوقت باش تتبدل وتتغيّر العقليات، موش باش نزيدو الانقسامات، ولازم الناس الكل تفهم إنو قوتنا في وحدتنا موش في قسمتنا…
صفاقس ما تستحقش ولاية جديدة… تستحق مشاريع متكاملة جديدة وفرص كاملة جديدة وتصورات ومخططات شاملة جديدة، واهتمامات وقررات، استثمارات وتمويلات محترمة جديدة ووعي وعقلية جديدة…
عقلية تجمع كل الصفاقسية، من المدينة لـ طينة والمحرس… للغريبة والصخيرة، من صفاقس الغربية لقرقنة وجبنيانة والعامرة والحنشة، من ساقية الداير لساقية الزيت، ومن الجنوبية لمنزل شاكر لعقارب وبير علي… وحدة وتكامل… ريف ومدينة… كلنا صفاقس… وتجمعنا صفاقس…
حلم واحد
▪️صفاقس مقسمة بطبيعتها… يزّي… يلزم تولّي صوت واحد، حلم واحد. لازم المشاريع الكبرى تكون منفتحة على المعتمديات… التنمية والخدمات تكون عادلة بين الجهات.
نحبو صفاقس واحدة… للكلّ وبالكلّ… تتحرك ما تتعطلش… تجمع ما تفرّقش… توحّد ما تقسمش… واحدة ما تتقسمش!”
متابعة: محمّد كمّون
