ألقى الإعلامي أحمد شوبير الضوء على آخر تطورات تجديد عقد الثنائي عمرو السولية والتونسي على معلول مع الفريق الكروي الأول بالنادي الأهلي في ظل الجدل الدائر في الأيام القليلة الماضية حول مصيرهما في القلعة الحمراء.
الأسباب..
وقال أحمد شوبير: “كل يوم الحقيقة نسمع عمرو السولية في حالة غضب شديد جدا عشان كولر مش عايز يجدد له… بعدها من يومين كولر عايز يجدد له سنتين، والمشكلة في نسب المشاركة يعني هو عايز يجدد له ولا لأ!”
وتابع شوبير: “النادي الأهلي بيحترم على معلول وبيحترم عمرو السولية والناس دي لها أولويات في حاجات كثير جدا هتتعمل قريبا بالنسبة للسولية وعلي معلول والأهلي مش هيحصل أبدًا إنه ييجي فجأة كده يقول لهم مش هجدد لكم… فالدنيا هتمشي في التجديد بشكل جيد واحترام كامل زي ما حصل مع وليد سليمان.”
دراسة الملف…
وأضاف شوبير: “الأهلي بيدرس الأمور مع معلول والسولية إلى أن يستقر على الوضع النهائي، وفيه تقدير تام واحترام تام لنجمين كبيرين قدما كل شيء للنادي الأهلي… وبالتالي الختام لن يكون سيء سواء بعد سنة أو اثنين، ما هو مش معقول لاعيب يفني حياته في النادي الأهلي أو أي نادي وييجي في الآخر يقوله بالسلامة يا حبيبي بالسلامة.”
